കമറുദ്ദീന് ആമയം
എന്തുണ്ട് വിശേഷ്ങ്ങള്
വന്നെന്ന് കേട്ടു
അവിടം സുഖമെന്ന് ചോദിക്കുന്നില്ല
വളര്ന്നല്ലൊ കഷണ്ടി
മൂക്കിലെ മുടി വെളുത്തല്ലോ
നഖം പോലെ കാണുന്നത്
പാണ്ടിന്റെ തുടക്കമാണല്ലോ
കറുത്തു തടിച്ചല്ലോ
കൊളസ്ട്രോളുണ്ടല്ലേ
വട്ടത്തില് കാണുന്നത്
വ്രണത്തിനുള്ള പുറപ്പാടാണല്ലോ
എത്ര ശ്രദ്ധിച്ചാലും
മുറിച്ചു മാടറ്റേണ്ടിവരും അവയവം
ജോലിയിപ്പെഴും
പഴയ കമ്പനിയില് തന്നെയല്ലേ
കൂടിയില്ലല്ലൊ ശമ്പളം
കുട്ടികള്ക്ക് സുഖമില്ലെന്ന് കേട്ടു
ഭേദമാകുന്ന വല്ലതുമാണോ
വല്യുമ്മ ജീവിച്ചിരിപ്പില്ലല്ലോ
ഉപ്പാക്കസുഖം കൂടുതലാണല്ലേ
കാണാറില്ല ഉമ്മയെ
കുറച്ചായ് ആശുപത്രിയില്
എന്തു പറ്റി.
വീടുവില്ക്കുന്നുണ്ടോ
വാഹനം വാടകക്കെടുത്തതാണോ
കരിഞ്ഞു പോകാന് പാകത്തില്
പാടത്തിക്കുറി വിതച്ചിട്ടുണ്ടോ.
എന്റെ അയല്ക്കാരന്
നസ്സീറിനെ കാണാറുണ്ടോ
അവനിപ്പൊഴും അറബിയുടെ
അടുക്കളപ്പണി തന്നെയല്ലേ
അവന്റെ ഭാര്യയെ കുറിച്ച്
കേട്ടിരിക്കുമല്ലോ.
ഈവിധം എണ്ണയ്ക്ക്
വിലകെട്ടുപോയാല്
അറബികള് പിച്ച തെണ്ടുമല്ലോ
അമേരിക്ക ഇറാനെ തല്ലിയാല്
ദിശമാറി വല്ല ബോംബോ മിസൈലോ
പതിക്കുമോ
ഇറച്ചിയില് മണ്ണു പുരളുമോ
ഏറെയുണ്ട് തിരക്കാന്
ഇനിയും വിശേഷങ്ങള്
നാളേക്ക് നീ മരിച്ചില്ലെങ്കില്
അപ്പോഴാകാം ബാക്കി
നിന്റെപ്രാര്ത്ഥനകളില്
എന്നെ ഉള്പ്പെടുത്താന്
ചങ്ങാതീ മറന്നു പോകല്ലേ.
|
അതിമനോഹരമായിട്ടുണ്ട് ഈ ബ്ലോഗോണസദ്യ.... ഇതിന്റെ സാക്ഷാത്ക്കാരത്തിനായി കഠിനാധ്വാനം ചെയ്ത എല്ലാവര്ക്കും ഹൃദയം നിറഞ്ഞ ഓണാശംസകള് ഒരുപാട് നന്ദിയോടെ നേരുന്നു...